Vangjel Dako është emri më i spikatur nga personat, për të cilin është lëshuar urdhër-arrest. Ende nuk dihet nëse Dako është gjetur në banesë, por Forcat Operacionale janë duke zhvilluar aksionin.
Zanafilla e aksionit lidhet me një leje ndërtimi për një pallat pranë qendrës së qytetit. Ka pasur dy leje ndërtimi për këtë pallat.
Edhe për urbanistët është vendosur masa e arrestit me burg. Rezulton se pallati është konsideruar me rrezikshmëri të madhe, edhe pse kishte pak kohë që ishte ndërtuar. Gazetarja Klodiana Lala raporton për News 24 se banorët e kanë kallëzuar Dakon dhe zyrtarë të tjerë për akuzën e “tentativës së vrasjes masive”, por se Prokuroria ka ngritur vetëm akuzën e “shpërdorimit të detyrës”.
Është thelluar më tej hetimi për Vangjush Dakon edhe sa i përket pasurisë. Për Dakon ka pasur edhe akuza të tjera, duke përfshirë edhe atë të shit-blerjes së votave. Vangjush Dako është shpallur non grata edhe nga SHBA, duke u dyshuar për korrupsion madhor. Në momentin që SPAK ka firmosur urdhër-arrest, vetë Dako ka qenë në Tiranë.
Discussion about this post