Detajet, fadroma e bashkisë futi nën rrota pushuesin

Një ngjarje e rëndë ka ndodhur mesditën e sotme në Pogradec, ku fadroma që shërben për pastrimin e mbetjeve liqenore ka përplasur një pushues.

Për pasojë, 53-vjeçari është transportuar me urgjencë drejt spitalit, ku po merr ndihmë mjekësore.

Sakaq, mësohet se i aksidentuari nga fadroma ne Pogradec është nisur me helikopter drejt Tiranës për mjekim më të specializuar, pasi ka marrë fraktura të forta në trup.

“Rreth orës 13:50, në vendin e quajtur “Plazhi”, mjeti fadromë që shërben për pastrimin e mbetjeve liqenore, me drejtues shtetasin D. P., 31 vjeç, ka goditur aksidentalisht shtetasin A. K., 53 vjeç (pushues), i cili si pasojë është dëmtuar dhe ndodhet në spitalin e Pogradecit, në kujdesin e mjekëve. Ndërkaq, drejtuesi i fadromës, shtetasi D. P. është shoqëruar në Komisariat, për kryerjen e veprimeve të mëtejshme procedurale.” – njofton policia.

Grupi hetimor vijon punën për zbardhjen e rrethanave të kësaj ngjarjeje.