Një 38-vjeçar është gjetur i pajetë në makinën e tij në aksin Fier-Lushnjë, në mesnatë. Burime nga policia bëjnë të ditur se viktima është identifikuar si B.K, 38 vjeç, banues në Durrës.
Sipas policisë, nga tërësia e veprimeve paraprake të kryera dhe provat e gjetura në vendngjarje dyshohet se 38-vjeçari, si pasojë e depresionit është vetëvrarë me armë zjarri pistoletë e cila u sekuestrua në cilësinë e provës materiale.
Gjithsesi, hetimet për të zbardhur po vazhdojnë, ndërsa ekziston dhe pista se mund ta kenë vrarë dhe është ngritur skema e tillë që të duket si vetëvrasje.
Discussion about this post