Marko Liçi 15 vjeç dhe Fatjon Bici 15 vjeç janë kushërinj me njëri tjetrin.
Sipas burimeve, konflikti mes tyre dhe një grupi tjetër ka filluar 2 javë më parë tek një kënd lojërash në Gramsh.
Konflikti mësohet se ka nisur për shkak të rrjeteve sociale, por nuk është mbyllur me kaq.
Katër adoleshentët e tjerë i kanë dalë përpara kushërinjve, teksa një goditje me thikë në zemër ka bërë që Bici të ndërrojë jetë në vend.
“Shërbimet e Policisë, me marrjen e njoftimit, kanë shkuar menjëherë në vendin e ngjarjes. Pas ndjekjes nga Policia, janë kapur dhe janë shoqëruar në Komisariat, 4 adoleshentët (ndërmjet tyre dhe autori) e përfshirë në konflikt, konkretisht shtetasit E. K., 15 vjeç, A. C., 14 vjeç, O. C., 14 vjeç dhe S. M., 15 vjeç të cilët do të merren në pyetje nga specialistët për Hetimin e Krimeve, në prani të prokurorit, të psikologut dhe të prindërve të tyre.
Grupi hetimor vijon veprimet për zbardhjen e rrethanave të kësaj ngjarjeje dhe përcaktimin e autorësisë së ngjarjes”, njoftuan blutë.
Discussion about this post