Policia ka shpallur në kërkim Florian Gjinin, pasi dyshohet se është bashkëpunëtor i tre personave që zhvasnin institucionet në kryeqytet. Gjini, së bashku me Ergys Ahmetaj, Andi Basha dhe Gëzim Kusin, tentuan të vidhnin në Kamzë Pëllumb Salillarin. Në dosjen e siguruar nga gazetarja Keti Banushi, përmendet edhe nofka e Florian Gjinit, e cila ishte ‘shkodrani’.
Në dëshminë e tij para Gjykatës, 21-vjeçari është shprehur se njihet me Florian Gjinin, pasi ishte takuar me të rastëssisht para 4 muajve në Holandë. Para një javë, Floriani e merr në telefon Ergysin për tu takuar. E më pas ai i shkruan nëse do i gjente ndonjë “taksist” që do i kryente një porosi për llogari të tij dhe t’ia çonte atij aty ku do ishte ai. Floriani i kiste premtuar Ergysit 500 euro. Pas ofertës së Florianit, Ergysi ka pyetur mikun e tij (të arrestuar së bashku me të), Gëzim Kusin dhe e ka pyetur nëse njihte dikë që jetonte pranë zonës ku do gjobisnin në Tiranë. Gëzimi i sugjeron Andi Bashën (i arrestuar bashkë me ta).
Ditën e sotme, Gjykata e Posaçme ka vendosur masën arrest me burg, Ergys Ahmetjan, ndërsa burg me afat 30 ditor për dy të arrestuarit e tjerë, Andi Basha e Gëzim Kusi, pjesë e grupit të gjobvënësve që shiteshin si zyrtarë në Tiranë. Ata akuzohen për mashtrim në bashkëpunim të mbetur në tentativë, të kryer në kuadër të grupit të strukturuar kriminal.
Discussion about this post