Policia e Tiranës ka dhënë informacion zyrtar rreth plagosjes së të riut sot. Ngjarja ndodhi rreth orës 15:45, në rrugën “Liman Kaba”, në afërsi të një lokali. Burime zyrtare thanë se në rrethana ende të paqarta është plagosur dyshohet me armë zjarri shtetasi Redi Kaçorri, 19 vjeç, i cili ndodhet në spital, nën kujdesin e mjekëve.
Paraprakisht dyshohet se ngjarja ka ndodhur pas një konflikti të çastit me dy shtetas ende të paidentifikuar nga ana e Policisë.
Grupi hetimor ndodhet në vendngjarje dhe po punon për sqarimin e rrethanave të ngjarjes dhe mbledhjen e çdo prove të mundshme që do çojë në identifikimin dhe kapjen e autorëve.
