Mbrëmjen e djeshme një 66-vjeçar, i arrestuar nga policia, plagosi me thikë fqinjin e tij, 59-vjeçar. Ngjarja ndodhi në zonën e Kunës në Shëngjin, ndërsa i plagosuri Selim Bllaca u godit me thikë, pas një përleshjeje fizike nga Hazir Berisha.
Konflikti mes dy fqinjëve ka ndodhur për mbeturinat.
Nga tërësia e veprimeve hetimore rezulton se autori dhe i plagosuri ishin banues në të njëjtin palla. Nga raportimet mësohet se Bllaca ishte administrator dhe kujdesej për objektin ku ata jetonin në Shengjin gjatë stinës së verës.
Sipas burimeve, debati mes tyre kishte lindur që në orët e paradites të së enjtes, pasi 59-vjeçari Selim Ballaca i kishte kërkuar fqinjit të tij Hazir Berisha që të mos i hidhte mbeturinat vend e pavend.
Kjo solli debate mes tyre te cilat agravuan në orët e mbrëmjes, ku fillimisht u përplasen fizikisht me njëri tjetrin e me pas 66-vjeçari, godti me thikë fqinjin e tij.
“Rreth orës 21:00, në Shëngjin, pas një konflikti të çastit, shtetasi kosovar H. B. 66 vjeç, ka plagosur me thikë shtetasin S. B. 59 vjeç, banues po në Kosovë. I dëmtuari është dërguar në Spitalin Rajonal Lezhë, për tju nënshtruar ndërhyrjes kirurgjikale.
Falë veprimeve të shpejta hetimore operacionale, nga shërbimet e Komisariatit të Policisë Lezhë u bë e mundur kapja dhe arrestimi i 66-vjeçarit, si autor i dyshuar si dhe sekuestrimi në cilësinë e provës materiale i armës së ftohtë ( thikës) e dyshuar e përdorur nga autori. Vijojnë veprimet hetimore nga grupi hetimor për zbardhjen e plotë të rrethanave të ngjarjes dhe dokumentimin ligjor të saj”, thuhet në njoftimin e policisë.
Discussion about this post