Detajet/ Sherri përfundoi në tragjedi, policia: Si u vra i riu nga 20-vjeçari në Elbasan

Blutë e Elbasanit, japin detajet e para nga vrasja që tronditi këtë qytet mbrëmjen e kësaj mërkure. Sipas policisë, 25-vjeçari Madrit Ulqinaku u vra nga 20-vjeçari K.SH, pas një sherri për motive të dobëta.
Ndërkaq uniformat blu bëjnë me dije se është blinduar zona dhe se janë vënë në ndjekje të autorit.

“Më datë 17.08.2022, rreth orës 21:50, në lagjen “Kongresi”, Elbasan, gjatë një konflikti për motive të dobëta midis disa të rinjve, dyshohet se shtetasi K.SH, rreth 20 vjeç, ka qëlluar me armë zjarri pistoletë dhe për pasojë ka humbur jetën shtetasi M. U., rreth 25 vjeç, banues në Elbasan.

Shërbimet e Policisë kanë shkuar menjëherë në vendngjarje, së bashku me grupin hetimor.

Është rrethuar zona dhe vijon krehja e saj për të bërë të mundur kapjen e autorit.”-njofton policia.