Autori i vrasjes së shqiptarit në Mykonos është identifikuar si Athanasios Nazos. Ky person, vrau me kallashnikov 34-vjeçarin shqiptar Visar Dakrama, nga Vlora.
Banorët e Mykonos u tronditën mëngjesin e sotëm pas vrasjes së shqiptarit në lokalin që ndodhet në zonën Skylambela të Mykonos.
Autori dhe viktima debatuan në lokal për shkak të një vajze, e cila dyshohet se kishte lidhje me të dy ata, raporton media greke.
Dyshohet se shqiptari e kërcënoi me thikë grekun, mirëpo u qetësua nga klientët dhe pronari i lokalit. Mirëpo, 35-vjeçari grek, u kthye sërish në lokal duke e ekzekutuar Dakramën me kallashnikov në kokë.
Viktima u dërgua menjëherë në spital mirëpo ishte tepër vonë, pasi ndërroi jetë. Autori u shfaqu pak orë më vonë i vetëm në komisariatin e Mikonos, në gjendje të dehur duke pranuar krimin që kreu.
Discussion about this post