Detaje të reja janë bërë publike pas operacionit në Peru, ku u sekuestruan 2.2 tonë kokainë dhe u shpallën në kërkim dy shqiptarë, si organizatorë të trafikut nga Peruja në Holandë.
Sipas burimeve, policia peruane ka sekuestruar plot 16 tonë lëng shpragu te vendosur në kanaçe, prej nga përfitohej sasia prej 2.2 tonë kokainë. Shpragu vinte nga qyteti Trujillo (La Libertad) në Lima dhe do të transportohej në rrugë detare nga Callao në Roterdam, Holandë.
Në orën 16.45 të pasdites agjentët e policisë hynë në portin e Callaos dhe arrestuar 54-vjecarin Luis Ernesto Ramos Peláez dhe 27-vjecarin Jean Carlos Villanueva Evaristo, bashke-shofer dhe shofer i gjysmërimorkios AFM-721.
Operacioni u mbikëqyr nga zëvendësprokurori i ekipit të parë të Prokurorisë së Katërt Kundër Korrupsionit të Callaos. Policia arrestoi edhe pesë persona të tjerë, konkretisht në av. Mansiche 1796, Trujillo u arrestua në një kamion Luis Alberto Vásquez Colquier, 44-vjeç.
Në Panamericana Norte 562, në sektorin e Moche, u arrestua Ronny Walter Silva León ndërsa Jhon Alexander Esquivel Chávez dhe David Elmer Díaz Villanueva u arrestuan kur po udhëtonin me një automjet, në Trujillo. Ndërkohë Nick Joao Corcuera Hernández, 26-vjeç u arrestua në një ndërtesë në Av. Las Palmas, mz. K-3, banesa Las Palmas, në La Libertad.
Nëse ngarkesa e drogës do të kishte zbritur në Holandë, ajo do të kishte një vlerë prej 160 milionë dollarësh. “Kjo është një goditje e rëndë për trafikun ndërkombëtar të drogës”, tha mbrëmë shefi Dirandro. Ndërkohë emrat e dy shqiptarëve ende nuk janë bërë publike.
Discussion about this post