Ish-kryetari i Bashkisë së Durrësit Vangjush Dako është aktualisht në paraburgimin e Durrësit. Ai ndodhet në të njëjtin burg ku është edhe Alqi Bllako dhe Lefter Koka.
Dako është lënë në “arrest me burg” sot nga GJKKO, duke u transferuar në paraburgimin e qytetit të Durrësit. Dhënia e lejes së ndërtimit për një pallat 11 vite më parë në lagjen nr. 5 të Durrësit u bë shkak për arrestimin e ish-kryebashkiakut socialist të Bashkisë së Durrësit Vangjush Dako dhe ish-zyrtarët e tjerë të kësaj bashkie.
Pallati pësoi dëmtime pas tërmetit të nëntorit të vitit 2019. Pas hetimeve të nisura nga SPAK një vit më parë, u gjetën shkelje të kryera nga ish kryebashkiaku Vangjush Dako dhe disa prej ish-zyrtarëve të tjerë.
Në pranga ra edhe biznesmeni Fiqiri Farruku, ndërtuesi i pallatit.
Gjykata ka pranuar kërkesën e Prokurorisë së Posaçme për arrestimin e Vangjush Dakos dhe të 4 ish-zyrtarëve të Drejtorisë së urbanistikës së Bashkisë së Durrësit, përfshirë ish Drejtorin Adhurim Qehajaj, si dhe pronarin e një kompanie ndërtimi, Fiqiri Farku dhe inxhinieren e kompanisë. Arrest me burg është kërkuar për tre ish punonjëse të Bashkisë së Durrësit.
Ndërsa, Alqi Bllako dhe Lefter Koka që ndodhen po në burgun e Durrësit, akuzohen për korrupsion në çështjen e inceneratorëve.
Discussion about this post