Eksperti i kriminalistikës Ervin Karamuço ka rënë gjithashtu pre e vjedhjeve të pastrueses Rozeta Dobi. 49-vjeçarja u zbulua nga policia pas kryerjes së një sërë grabitjesh në banesa të ndryshme në Tiranë, disa prej të cilave i përkisnin dhe zyrtarëve të lartë, si Alda Klosi, me detyrë ish-shefe e Kabinetit të Arben Ahmetajt. Ndërkohë sipas Hashtag.al, Karamuço së bashku me të shoqen janë marrë në pyetje nga policia.
Ata kanë pranuar vetëm grabitjen e disa bizhuterive të personalizuara, duke mohuar kategorikisht vjedhjen e parave.
Vetë Karamuço është shfaqur të paktën dy herë publikisht duke folur për rastin e vjedhjes nga pastruesja dhe djali i saj, por asnjëherë nuk ka pohuar publikisht se ka qenë edhe vetë viktimë.
Kujtojmë se ditën e djeshme, gazetari Elton Qyno tha se një personazh publik, i cili ftohet edhe në studiot televizive, kishte identifikuar dhe kishte tërhequr një unazë të personalizuar nga sendet e vjedhura që iu sekuestruan pastrueses Rozeta Dobi.
Discussion about this post