Avokati i Sali Berishës, Genc Gjokutaj ka ankimuar masën e Gjykatës së Posaçme ndaj Sali Berishës, i cili është lënë në ‘detyrim paraqitje’ si dhe nuk lejohet që të udhëtojë jashtë vendit.
Në një prononcim për media, Gjokutaj tha se vendimi është nul dhe është pasojë e moskonsiderimit të provave dhe rrethanave siç e kërkon ligji.
Ky i fundit akuzohet për korrupsion pasiv për çështjen e privatizimit të ish-kompleksit ‘Partizani’.
Nga ana e tij Berisha nuk ka pranuar që të paraqitet për t’u marrë në pyetje në seancë në GJKKO, madje nuk ka pranuar as të përfaqësohet në gjyq, ndërkohë që i kanë caktuar avokat nga shteti.
Ndërkohë, dhëndri i Berishës, Jamarbër Malltezi ndodhet pas hekurave për këtë çështje.
Discussion about this post