Dy persona janë arrestuar nga policia pasi kanë detyruar dy të mitur që të kryenin veprime të turpshme ndaj njëri-tjetrit. Mësohet se shtetasi G. R., në lagjen nr. 17, Korçë, dyshohet se ka detyruar dy të mitur të kryenin veprime të turpshme me njëri-tjetrin. Ndërsa shtetasi J. A., ka patur dijeni për ngjarjen dhe nuk ka kallëzuar krimin, pranë organeve të rendit.
Specialistët për Hetimin e Krimeve në Komisariatin e Policisë Korçë bënë arrestimin në flagrancë për veprat penale “Vepra të turpshme”, “Shtytja e të miturve në krim”, të shtetasit G. R., 20 vjeç, banues në Korçë dhe për veprën penale “Moskallëzimi i krimit”, të shtetasit J. A., 22 vjeç, banues në Korçë. Sakaq, po vazhdojnë hetimet për të zbardhur më tej ngjarjen, ndërsa sy të miturit po merren në pyetjet në prezencën e psikologes.
Discussion about this post