Nisja e punimeve për projektin për rehabilitimin e lumit të Lanës, nga pjesa e “Pallatit me Shigjeta deri pranë zonës së Yzberishtit, ka sjellë revoltën e banorëve të cilët preken nga ky projekt. Banorët janë të shqetësuar pasi nuk e dinë se çfarë do të ndodhë me shtëpitë e tyre.
“Këtu nuk po ndodh një rehabilitim, këtu po ndodh devijimi i shtratit të lumit Lana. Ky devijim është projekti i ndërtimit të kullave. Nuk kemi ku të shkojnë, vetëm të vijnë dhe të na vrasin. Çfarë do të bëjë Erion Veliaj, t’i prishet shtëpia e tij ça do bëjë. 600 familje do dalin në rrugë. Këtu është korrupsion për të ndërtuar pallate dhe për të nxjerrë në rrugë 600 familje”, janë shprehur të shqetësuar dhe revoltuar banorët.Për ta projekti përfshin devijimin e lumit Lana, për interesa të qytetarëve, ndërsa përgjegjës, bëjnë Erion Veliajn.
“Që nga ditët e para pronari është Mond Bego, por ai mund të jetë vetëm fasada. Prapa kullave fshihet Taulant Balla dhe Arben Ahmeti që kanë privatizuar këtë sipërfaqe.”Madje banorët u shprehën se nuk besojnë asnjë fjalë të Veliajt duke thënë se fakti që banorët do të kompensohen është një gënjeshtër.
“Të dalë Veliaj, vemja e bashkisë, hajduti, propaganda dhe të thotë se kë ka strehuar në banesat sociale”, kanë thënë ata.
Discussion about this post