Devijimi i projektit të “Unazës” ka nxjerrë në protestë banorët e “Kodrës së Priftit”, të cilët ndihen të rrezikuar pasi ky projekt do të rrisë numrin e banesave që do të shemben, ku konkretisht bëhet fjalë për më shumë se të tilla.
Sipas banorëve, njoftimi që kanë marrë ka qenë i ngjashëm me atë të banorëve të Laprakës apo të 5 majit, pasi janë njoftuar nga ARRSH. Projekti që nisi në Astir, do të kalojë në Paskuqan dhe do të shkojë deri në Kodrën e Priftit.
Protestuesit refuzojnë shembjen e shtëpive, ndërsa shprehen të revoltuar se asnjë nga politikanët nuk ka shkuar t’i mbështesë dhe se i shohin vetëm në prag zgjedhjesh kur duan votën.
“Kam 26 vite që e kam ndërtuar shtëpinë, letra më vjen para dy javësh ku më thoshin se nuk të bëhet legalizimi se të kap unaza. Unë kam hedhur letrat që në vitin 2006 dhe më thoshin vazhdimisht është proces legalizimi. Sot nuk njihem si pronare në këtë shtëpi. Nuk e pranojmë shembjen e shtëpive se do na japin një banesë ndoshta për 2 vite dhe pastaj na nxjerrin jashtë. Po shkatërrohemi nuk flemë asnjë natë. Deputetët nuk kanë ardhur fare, vetëm ua shohim surratin kur kërkojnë votat. Ajo Klotilda Ferhati. Peshku i madh të na mundë neve të vegjëlve? Dhe ne të mos flasim”, tha një nga banorët.
Ndër të tjera, banorët kanë shtuar se nëse thirrjet e tyre nuk do merren parasysh, do të vazhdojnë protestat dhe nuk do heqin dorë nga kauza e tyre.
Discussion about this post