Presidenti i Serbisë në një konferencë të para pak minutash ka theksuar se me dorëheqjen e Kryeministrit, Vuçeviç janë përmbushur të gjitha kërkesat e studentëve.
“Kemi zgjidhur edhe disa çështje që shkelin parimet e mia që kanë të bëjnë me faljet. Jemi të kënaqur me atë që arritëm, megjithëse nuk jemi naivë që dikush të kërcejë me entuziazëm dhe të thotë që kërkesat janë përmbushur”, tha presidenti i Serbisë.
Kryeministri serb Millosh Vuçeviç dha dorëheqjen të martën pas muajsh protestash masive në të gjithë vendin. Në fjalimin e tij drejtuar qytetarëve, Vuçeviç tha se arsyeja e dorëheqjes së tij ishte sulmi ndaj studentëve që ndodhi mbrëmë në Novi Sad para objekteve të Partisë Progresive Serbe në atë qytet.
“Mendoj se këtë politikë të cilës i përkas, partisë që unë drejtoj, e kam fituar së bashku me Presidentin e Republikës në të gjitha zgjedhjet që nga viti 2012. Ajo duhet t’u tregojë të gjithëve, më shumë se një herë, shkallën më të lartë të përgjegjësisë, duhet të sjellë dhe të tregojë rregulla të reja të ligjit në politikën serbe, duhet të tregojë se është më e përgjegjshmja, se është objektivisht më e përgjegjshmja, dhe prandaj pas kësaj ngjarjeje në Novi Sad, vendimi im i parevokueshëm është të jap dorëheqjen nga pozita e kryeministrit”, tha Vuçeviç.
Ai shtoi se mëngjesin e sotëm ka pasur një bisedë me presidentin Aleksandar Vuçiç, i cili ka pranuar argumentet dhe vendimin e tij.
Discussion about this post