Ish-deputeti i selisë blu dhe analisti Mark Marku, thotë se ish-kryeminsitri Sali Berisha duhej të ishte larguar nga PD që në vitin 2013.
Në emisionin, “Opinion”, Marku theksoi se kryedemokrati Lulzim Basha vendimin e tij për të larguar Berishën duhej ta kishte marrë që në vitin 2017 dhe në këtë mënyrë do të kishte shmangur dobësimin e PD.
“Berisha duhet të ishte larguar në 2013. Basha nëse Berisha nuk e kuptonte në 2017 duhet ta kishte larguar, shko në punën tëndë. Do të bëjmë një muze në PD, do kemi figurën horonikfike, por në PD nuk do të vazhdosh të jesh. Nuk mund ta kthesh kohën mbrapsh. Po ndodh me dhunë dhe në mënyrë të pandershme në pikëpamjen politike. Nëse PD vijon kështu do humbasi energji kot, duhet të gjendet një mënyrë tjetër, nuk e mbron kështu Berishën”, tha Marku.
Pas largimit të Mark Markut, kryedemokrati Lulzim Basha ka emëruar drejtues të ri politik në qarkun Lezhë, Agron Gjekmarkajn. Marku vendosi të largohej pak javë më parë duke hequr dorë edhe nga mandati i deputetit.
Sipas listës së PD, ish-deputeti u zevendësua në parlament nga Elda Hoti, deputetja e opozitës së re që rikthehet. Hoti erdhi në listë si pjesë e koalicionit të PD, si kandidate e Partisë Republikane dhe renditej e 5-ta në listë me 2733 vota.
