Në një intervistë për emisionin “Opinion”, deputetja e Partisë Demokratike, Grida Duma, pasi ka dhënë dorëheqjen si nënkryetare ka folur lidhur me qëndrimin e saj. Duma tha se e kishte ndjerë që gjatë fushatës impaktin e përçarjes së partisë, ndërsa theksoi se kredibiliteti i kryetarit Basha është dëmtuar në mënyrë të pabëshme.
Pjesë nga intervista:
Grida Duma: Përçarja e partisë ishte e dëmshme. Ne e kuptonim në terren, që kur shkonim të kërkonim votën për kandidatët tanë, ishte një “po” shumë e vakët.
Blendi Fevziu: Ne që jemi në media pothuajse në çdo zgjedhje falë sondazheve kemi një ide të përafërt të rezultatit. Gjithë kjo strukturë e PD-së hyn qorrazi në zgjedhje?
Grida Duma: Jo, por është traditë e keqe që sondazhet i mbajnë vetëm krerët e partive. Nuk e di nëse është në PS kjo, por drejtuesit politikë duhet t’i kenë rezultatet e tyre. Gjithsesi nuk kisha nevojë për të sondazhe për të kuptuar se fushata ishte e vakët.
Blendi Fevziu: Çfarë problemi kishin demokratëtët?
Grida Duma: Peshën më të madhe e zë kredibiliteti i figurës së tij, është dëmtuar në mënyrë të pabëshme më. Individi dhe kryetari i PD është problemi i parë me të cilin ne të gjithë përballemi në terren.
Discussion about this post