Modelja dhe këngëtarja, Kleoniki Delijorgji, në një “bisedë online” me ndjekësit e saj, bukuroshja është pyetur se përse nuk hyn në “Big Brother VIP”, pasi sipas tij/saj një njeri i drejtë si ajo i duhet atij formati.
Niki ka zbuluar se i është bërë oferta, por nuk ka pranuar pasi ka plane të tjera më të rëndësishme. Ajo gjithashtu na ka zbuluar dhe një “sekret” se cila është banorja që meriton të fitojë “Big Brother VIP” dhe sipas saj është Beatrix Ramosaj.
“Kam pasur oportunitetin për të hyrë në shtëpinë e “Big Brother VIP”, por kam plane të tjera që janë më të rëndësishme për zhvillimin tim human dhe profesional. Plus nuk është e shëndetshme për njeriun të jetë i mbyllur në një shtëpi me të panjohur kur në jetën reale mundohemi të zgjedhim shumë mirë njerëzit që na rrethojnë. Gjithsesi i uroj të gjithë konkurrentëve paqe edhe ta shijojnë eksperiencën sa më shumë. Dhe një sekret i vogël… shpresoj që ta fitojë Beatrix Ramosaj.”
Rikujtojmë se, Kleoniki u përfol shumë për një lidhje me Alban Ramosaj, pas pjesëmarrjes si modele në klipin e tij. I ftuar në studion e TAR në mars të këtij viti, këngëtari u shpreh për herë të parë rreth së vërtetës. Ramosaj na bëri me dije se mes tij dhe Kleonikit ka shumë paqe e respekt dhe dashurohen profesionalisht. Ai u shpreh se është përpjekur gjithmonë për t’i qëndruar pranë gjatë karrierës së saj.
