Një incident raportohet të ketë ndodhur pranë qendrës së votimit në shkollën “Neim Babameto” në qytetin e Durrësit, ku dhëndri i ish-kryeministrit Sali Berisha, Jamarbër Malltezi është konfliktuar me disa militantë të PS.
Malltezi tha se gjatë verifikimeve që ata kanë bërë në terren, kanë parë një zonjë e cila intimidonte zgjedhësit, dhe i identifikonte nëse ata po votonin apo jo.
Ky i fundit u shpreh në Fax News se ka pasur një moment tensionimi ku i është marrë dhe telefoni, në mënyrë që të fshihej video, ku sipas tij dokumentohet dhe intimidimi që i bëhej votuesve.
“Nuk ka prezencë policie në këtë qendër votimi, jemi njoftuar se militantët kanë bërë identifikimin dhe intimidimin e zgjedhësve. Kemi konstatuar një vajzë, e cila bënte identifikimin e zgjedhësve, e cila është punonjëse e bashkisë. Erdhën një grup militantësh të PD të cilët më grabitën telefonin për të fshirë video, por gjithçka u zgjidh më pas. Parregullsitë kanë të bëjnë me intimidimin e zgjedhësve, kam takuar përfaqësuesin e PS-së dhe i kam kërkuar që zgjedhësit të votojnë në mënyrë të qetë”, tha Malltezi.
Discussion about this post