Një ngjarje e rëndë është regjistruar në familjen Gila në Shkodër, ku dy pjesëtarë të saj kanë ndërruar jetë për shkak të Covid-19. Mësohet se fillimisht ka humbur jetën djali i familjes, Gëzim Gila, më datë 1 tetor, i cili ka qenë i shtruar në spitalin e Shkodrës.
Dy ditë më vonë, sot ka ndërruar jetë edhe nëna e Gilës, Lina. Gëzim Gila ishte punonjës i policisë rrugore dhe lajmin e hidhur e ka bërë me dije vëllai i tij, gjithashtu efektiv policie, Mhill Gila.
Përmes postimeve në rrjetet sociale, Gila shkruan për humbjen e dyfishtë që ka përjetuar familja e tij.
“Me hidherim te thelle lajmerojme se ndrroj jete GEZIM NDUE GILA , varrimi behet diten e shtune me daten 02.10.2021 ne oren 1:00 , Pritja dhe percjellja behet te restorant ORLANDO . Varrimi behet te varresat katolike Grude e Re,”- shkruan Mhill Gila për vdekjen e të vëllait.
Situata e Covid-19 në Shqipëri është rënduar. Në 24 orët e fundit janë regjistruar 5 viktima dhe 549 raste të reja me koornavirus. Aktualisht në Spitalet COVID po marrin trajtim 176 pacientë, nga të cilët 35 janë në gjendje më të rënduar. Në total kemi 2 mijë e 710 humbje jete dhe 9 mijë e 178 raste aktive.
