Janë dhjetë të arrestuarit në një operacion antidrogë nga policia e Milanos, e cila zbuloi një organizatë që merrej me trafik droge dhe drejtohej nga dy familje shqiptare. Në pranga kanë përfunduar nëntë shtetas shqiptarë dhe një italian të moshës nga 22 deri në 54 vjec. Ata akuzohen për trafik kokaine, heroine dhe marijuane. Hetimet kanë zgjatur tetë muaj, dhe gjatë kësaj kohe hetuesit kanë zbuluar se organizata ka përfituar rreth 2 milion euro nga trafiku i drogës.
