Dhjetëra minorene në Korçë shantazhohen në “Instagram” me video intime: Po denigrohemi

në Aktualitet

Kohë leximi: 2 min

Disa foto dhe video intime të disa vajzave minorene në Korçë, po bëjnë xhiron e rrjetit në “Instagram”.

Faqja është hapur nga disa persona të paidentifikuar dhe rasti është denoncuar në polici, por hetuesit nuk kanë zbuluar ende se kush qëndron pas kësaj faqeje, që tashmë është mbyllur. Administratori i faqes postonte foto dhe video intime të vajzave, bashkë me emrat dhe adresat e tyre përkatëse.

Publikimi i çasteve intime ka dëmtuar rëndë imazhin e vajzave, duke i bërë të ndihen të poshtëruara. Disa prej tyre kanë përjetuar tronditje të mëdha psikologjike, madje ka pasur raste të vetëlëndimit pas ekspozimit publik. Autorët e faqes anonime i kanë shantazhuar, duke u kërkuar foto dhe video të tjera, përndryshe do të publikonin materialet që kishin siguruar nga burime të tjera.

Pas denoncimeve të bëra nga minorenet, policia ka nisur hetimet për të identifikuar përgjegjësit e këtij akti të rëndë. Oficerët po përpiqen të gjurmojnë burimin e materialeve dhe të zbardhin skemën pas publikimeve, me qëllim vënien e fajtorëve para drejtësisë.

Momentet intime të vajzave të moshës 14-16 vjeçe, nuk dihet se si kanë rënë në duart e adminit të faqes, të cilat postoheshin çdo ditë, bashkë me emrat dhe adresat e tyre përkatëse.

Vajzat thotë se publikimet e çasteve të tyre intime po u dëmton imazhin dhe se ndihen të denigruara. Ato thonë se ka pasur edhe vajza që kanë prerë damarët pasi iu është publikuar emri dhe foto aty.

Vajzat thonë se personat që administrojnë faqen u shkruanin atyre duke u kërkuar foto e video intime, ose në të kundërt do të publikonin ato se çfarë kishin siguruar nga persona të tjerë.

Pas denoncimit që minorenet kanë bërë në polici, oficerët kanë nisur hetimin për të identifikuar autorët.