Koronavirusi po bënë kërdinë në shkolla, pasi javët e fundit janë shtuar rastet e nxënëseve të infektuar. Pas rasteve në Gjirokastër, Tiranë dhe Tepelenë, ditën e sotme është raportuar mbyllja e katër klasave ne Berat. Mësohet se, nga dita në ditë, po shkon në rritje i nxënësve të infektuar me Covid-19 në Berat, ku vetëm gjatë 24 orëve të fundit rezultojnë Covid-pozitiv, 18 nxënës të moshave 14-19 vjeç.
Rezultatet e testeve të ardhura pranë ISHP-së Berat bëjnë me dije se nga 38 nxënës të testuar 18 prej tyre kanë rezultuar pozitivë, çka ka bërë që të mbyllen 4 klasa dhe nxënësit të karantinohen.
Sipas burimeve, situata paraqitet problematike në shkollën 9-vjeçare “22 Tetori” dhe gjimnazin “Babë Dudë Karbunara” në Berat si dhe në 9-vjeçaren “Karaman Ylli” në Skrapar. Burime pranë Institutit të Higjienës Berat konfirmojnë se janë mbyllur 2 klasa në shkollën “22 Tetori”, 2 klasa në gjimnazin “Babë Dudë Karbunara” dhe 1 klasë në shkollën “Karaman Ylli”, ndërkohë që po vijon edhe hetimi epidemiologjik i rasteve, për të shmangur zinxhirin e infektimeve.
Discussion about this post