Kreu i Partisë Demokratike, Lulzim Basha, e nisi fjalën e tij në takimin që po zhvillon këtë të diel me demokratët në Fier me një mesazh të fortë, sa i takon protestës së dhunshme të 8 janarit.
Basha tha nga Fieri se ky është takimi i parë pas protestës së dhunshme të thirrur nga Berisha, ndërsa shtoi se mesazhi që sot japin fierakët është se shqiptarët zgjedhin të ardhmen.
“Jam thellësisht mirënjohës për praninë në këtë sallë të themeluesve të PD, në të gjitha degët e Fierit, të atyre që në ditët më të vështira, por edhe në ditët më të bukura, të kohërave më të çmendura, por edhe kohërave të mendimit më të pastër, të ndryshimit të madh 90-91 janë sot këtu krah për krah bijave, nipërve e mbesave të tyre. Ju them nga zemra faleminderit. Faleminderit për praninë tuaj në këtë takim, që ka një rëndësi të veçantë dhe është domethënës, sepse është i pari që zhvillojmë pas një ngjarjeje traumatike për demokratët, shqiptarët, siç ishte ajo e 8 janarit. Me praninë tuaj, me zërin që ushton, me sytë plot shpresë nga e ardhmja që kemi vendosur të ndjekim, duke lënë pas hijet e të shkuarës, nga Fieri oshtinë sot mesazhi se zgjedhim të ardhmen për veten tonë, për partinë tonë dhe për familjen tonë politike”, tha Basha.
Kryedemokrati Basha tha ndër të tjera që i ka kërkuar ish-kryeministrit që ti thërriste mendjes dhe të mos merrte peng PD për interesat personale.
Discussion about this post