Dhuna mes Elias dhe Princ Lekës, Oborri Mbretëror: Policia të ndërhyjë për fshirjen e pamjeve

Oborri Mbretëror ka reaguar lidhur me dhunën që ka ndodhur mes Princ Lekës dhe Elia Zaharias, çiftit që ka nisur procedurat e divorcit.

Në deklaratën për mediat, Oborri Mbretëror akuzon organet ligjzbatuese për shpërndarjen e pamjeve filmike ku shfaqen Princ Leka dhe Elia Zaharia duke u konfliktuar. Madje i kërkohet Policisë që të ndërhyjë për fshirjen e këtyre pamjeve.

“Siç edhe jeni informuar, Princ Leka pasditen e 5 marsit ështe sulmuar fizikisht me sende të forta nga ish-bashkëshortja dhe ish-vjehrri i tij dhe videot e këtij momenti janë bërë publike në rrjetet sociale.

Videot jane dorëzuar vetëm në komisariatin e policisë nga Princ Leka ll Zogu, si provë materiale për dhunën e ushtruar ndaj tij, por pavarësisht se janë kosideruar si nje sekret, këto materiale, së bashku me deklaratën, qarkulluan gjerësisht në rrjetet sociale dhe në medie duke përciell imazhe të pakëndëshme dhe me përmbajtje dhune.

Oborri Mbretëror shpreh thellësishtë zhgënjimin nga institucionet ligjzbatuese te të cilat dyshojmë se kanë cënuar të drejtën e anonimitetit, duke shpërndarë videot te të tretë.

Gjithashtu Oborri Mbretëror kërkon ndërhyrjen e policisë dhe institucioneve përkatëse për fshirjen e këtyre imazheve nga rrjetet sociale dhe nga mediet.”-thuhet në reagimin e oborrit mbretëror shqiptar.