Dhuna ndaj 3 shqiptarëve, reagon ministri malazez: Djemtë janë mirë

Ministri i Brendshëm i Malit të Zi, Danilo Šaranović, thotë se ngjarja ku tre të rinj nga Shqipëria u dhunuan barbarisht po hetohet me intensitet.

“Djemtë janë mirë, do t’ju informoj për gjithçka.

Kolegët e mi po bëjnë gjithçka për të hetuar ngjarjen sa më shpejt të jetë e mundur. Gjëja më e rëndësishme është që djemtë janë mirë”, shkruan ai.

Mësohet autorët e dyshuar janë shoqëruar nga policia malazeze. Dyshohet se shqiptarët u sulmuan brutalisht nga të paktën 8 persona për shkak se po flisnin shqip. Gjithashtu dyshohet se agresorët janë shtetas serb të Bosnjes.