Policia e Tiranës ka shoqëruar dy persona në lidhje me dhunimin e avokatit të Sali Berishës, Sokol Mëngjesi.
Mësohet se dy personat e shoqëruar po merren në pyetje si persona që mund të kenë dijeni për ngjarjen dhe autorët.
Avokati Sokol Mëngjesi u sulmua dhunshëm nga 3 persona teksa po çonte famijen e tij në kopsht në zonën e ish-bllokut. Ai mori goditje me sende të forta në kokë dhe ndodhet nën kujdesin e mjekëve.
Ndërsa policia ka identifikuar dy prej autorëve dhe po heton për motivin e sulmit, ngjarja ka sjellë dhe reagimin e politikës.
Avokati i Sali Berishës është futur në intubim dhe ndodhet në gjendje të rëndë shëndetësore për shkak të plagëve të rënda të marra në kokë.
Ndërkohë, në orën 18:00 pritet një konferencë për shtyp e Policisë së Shtetit, që do të zbulojë më shumë detaje për ngjarjen.
Discussion about this post