Ish-Kryeministri Sali Berisha ka reaguar për ngjarjen e rëndë të ndodhur një ditë më parë në Borizanë të Krujës ku u dhunuan në mënyrë shtazore Bilbil dhe Jashar Maja, ndërsa autorë të ngjarjes janë identifikuar pjesëtarë të fisit Rraja, madje edhe vëllezërit e deputetit socialist, Rrahman Rraja.
Berisha në një postim në rrjetet sociale shkruan se dy vëllezërit e deputetit të PS, Rrahman Rraja, Xhelal e Flamur Raja, dhe djali i këtij të fundit, kanë rrahur shtazërisht me shkopa bejsbolli dhe kërcënojnë me pistoletë qytetarët e pafajshëm, Bilbil dhe Jashar Maja, kryetar i grupseksionit të Partisë Demokratike në Borizanë.
“Ky akt kriminal i fisit Rraja ka ardhur pas ankimit të vëllezërve Maja se atyre u ishte dëmtuar shtëpia nga shpërthimet në guroren që shfrytëzohej nga Rrajat.
Duke shprehur solidaritetin e plotë të Partisë Demokratike, Bilbil dhe Jashar Majas, Partia Demokratike dënon me ashpërsinë më të madhe krimin e shëmtuar të bandës qeveritare Rraja dhe iu rikujton këtyre kriminelëve se drejtësia vonon, por nuk harron krimet tuaja të shëmtara”, shprehet Berisha.
Discussion about this post