Presidenti Bajram Begaj ka reaguar për dhunën e ushtruar ndaj gazetarit Elvis Hila dhe gruas së tij sot në Lezhë.
Begaj thekson se dënon me forcë dhunën ndaj gazetarit, ndërsa shprehet se institucionet duhet sa më shpejt të zbardhin ngjarjen.
“Dënoj me forcë dhunimin e gazetarit të Report TV në Lezhë, Elvis Hila dhe bashkëshortes së tij. Tek sa i uroj një shërim të shpejtë zotit Hila dhe bashkëshortes, inkurajoj institucionet shtetërore përgjegjëse të hetojnë dhe zbardhin sa më shpejt këtë ngjarje.
Cënimi i fjalës së lirë, presioni dhe mbi të gjitha dhuna ndaj gazetarëve është e papranueshme në një shtet demokratik”, shkruan Begaj.
Discussion about this post