Dhuna në familje, arrestohen 3 persona/ Detajet

Policia arrestoi 3 persona të cilët dyshohet se kanë ushtruar dhunë në familjet e tyre.

Përmes një njoftimi zyrtar bëhet e ditur se:

Specialistët për Hetimin e Krimeve të Komisariatit të Policisë Nr. 5 arrestuan shtetasin A. M., 40 vjeç, banues në Kamëz, pasi ka ushtruar dhunë ndaj bashkëshortes së tij dhe gjatë shoqërimit në komisariat, ka kanosur dhe goditur për shkak të detyrës, punonjësin e Policisë.

Specialistët për Hetimin e Krimeve të Komisariatit të Policisë Nr. 7 arrestuan shtetasin F. C., 32 vjeç, banues në Fier, pasi ka ushtruar dhunë ndaj bashkëshortes së tij.

Specialistët për Hetimin e Krimeve të Komisariatit të Policisë Krujë arrestuan shtetasin E. B., 25 vjeç, banues në Karamenas, Krujë, pasi ka ushtruar dhunë ndaj bashkëshortes së tij.