Fenomeni i dhunës në familje, po bëhet problem madhor gjatë orëve të fundit. Në Vlorë, disa sinjalizime kanë ardhur në zyrat e DVP Vlorë në lidhje me këtë akt shumë të shëmtuar.
Specialistët për Hetimin e Krimeve të Komisariatit të Policisë arrestuan në flagrancë një 37-vjeçar, të dyshuar për dhunë ndaj të dashurës së tij.
Njoftimi:
DVP Vlorë
Specialistët për Hetimin e Krimeve të Komisariatit të Policisë Vlorë arrestuan në flagrancë shtetasin M. H., 37 vjeç, banues në Vlorë, pasi dyshohet se ka ushtruar dhunë ndaj të dashurës së tij.
Po nga këta specialistë u bë arrestimi në flagrancë i shtetasit I. A., 56 vjeç, banues në Vlorë, pasi dyshohet se në kundërshtim me vendimin e Gjykatës, ka shkuar në banesën e nënës së tij dhe ka ushtruar dhunë ndaj saj.
Gjithashtu, nga specialistët për Hetimin e Krimeve të Komisariatit të Policisë Vlorë u bë ndalimi i shtetasit të shpallur në kërkim L. Z., 30 vjeç, pasi Gjykata e Rrethit Gjyqësor Vlorë i ka caktuar masën e sigurisë “Arrest në burg”, për veprën penale “Dhuna në familje”.
Materialet iu referuan Prokurorisë, për veprime të mëtejshme.
Discussion about this post