Psikologu Edmond Dragoti e sheh si fenomen në rritje dhunën në familje në vendin tonë. Duke folur në një intervistë televizive për ngjarjet e fundit në vend, ai shprehet se, dhuna ka qenë e pranishme gjatë gjithë historisë së shoqërisë shqiptare, e cila është detyruar ta përdorë atë si mekanizëm mbrojtës. Por, këtu ai i bëri thirrje institucioneve përgjegjëse që të angazhohen më shumë për të parandaluar raste të tilla, pasi deri më tani janë treguar neglizhentë.
Duhet të njohësh historinë, kontekstin, origjinën etj. Në konceptin e përgjithshëm raste të tilla janë shtuar te ne. Media bën mirë që i ekspozon dhe mban qëndrim është e domosdoshme sepse shoqëria duhet të mbajë qëndrim. Dhuna ka qenë e pranishme gjatë gjithë historisë së shoqërisë shqiptare. Agresiviteti është në natyrën njerëzore, mbartet që nga lindja. Ne e kemi ekspozuar më shumë se vendet perëndimore sepse ne kemi qenë të detyruar ta përdorim si mekanizëm mbrojtës. Por, ka ardhur koha që edhe institucionet të bëjnë akoma më mirë punën e tyre, në të kundërt gjendja do të degradohet, të mos rrinë indiferent”, u shprehai. Dragoti tha, se kriza ekonomike dhe pandemia ka rritur më shumë nivelin e dhunës dhe agresivitetin te shqiptarët. Ai e cilësoi kafshëror rastin e dhunimit të 6-vjeçares në Kamëz.
Discussion about this post