Skuadrat e Olympique Lyon dhe Paris FC janë përjashtuar nga Kupa e Francës. Ky vendim u bë publik nga Federata Franceze e Futbollit, e cila konfirmoi gjithçka nëpërmjet një deklarate për shtyp, gjë që do të thotë se Nice, skuadra me të cilën do të përballeshin Lyon apo Paris FC, kualifikohet direkt për në fazën e 1/8 të finaleve të Kupës.
Këto dy klube u dënuan për incidentet e ndodhura në ndeshjen e 17 dhjetorit, me tifozët e të dyja skuadrave, që u përleshën me njëra-tjetrën, duke pushtuar edhe fushën e lojës, ngjarje që çuan në ndërprerjen e ndeshjes.
Paris FC u dënua edhe me 10 mijë euro gjobë dhe me zhvillimin e 5 ndeshjeve me dyer të mbyllura, ndërsa kjo masë e fundit mbetet pezull për t’u zbatuar, në varësi nëse do të ketë përsëritje të incidenteve të tilla.
Teksa Lyon e pësoi më keq, pasi u gjobit me 52 mijë euro, përveç eliminimit nga Kupa, si dhe përjashtohet nga edicioni tjetër i Kupës së Francës, nëse tifozët e Lyonit do të vazhdojnë të shfaqin dhunën në fushat e lojës./K.T/Gijotina.com
Discussion about this post