Një denoncim i publikuar dje për një 30-vjeçare që dhunon vajzën e mitur pasi nuk e ka mbrojtur përballë komenteve fyese, ka sjellë reagimin e Policisë së Shtetit.
Në një njoftim për mediat, policia thotë se gruaja është duke u ndjekur penalisht nga autoritetet. Denoncimi i djeshëm nga JOQ Albania përfshinte edhe pamjet e rënda të dhunës, ku një e afërme filmonte gruan duke shtuar se kjo nuk ishte hera e parë. Sipas dëshmisë shtetasja B.C është e divorcuar dhe jeton me familjarët e saj, dhe ka dhunuar të bijën pasi asaj i kanë thënë që “mamaja jote ka të dashur” dhe ajo nuk i është përgjigjur “siç duhet”.
“Nisur nga pamjet filmike të publikuara ditën e djeshme, në rrjete sociale, për rastin e dhunimit të një vajze nga nëna e saj, specialistët për Hetimin e Krimeve në Komisariatin e Policisë Himarë referuan materialet në Prokurori, për veprën penale “Dhuna në familje”, në ngarkim të shtetases B. Ç., 29 vjeçe, banuese në Borsh, pasi dyshohet se ka ushtruar dhunë ndaj vajzës së saj të mitur”, thuhet në njoftim.
Discussion about this post