Policia e Tiranës ka arrestuar në flagrancë dy banorë në afërsi të fshatit “Ballenj”, pasi po mbillnin kanabis në oborrin e shtëpisë. Sipas të dhënave, dy autorët A. D, 52 vjeç dhe G. K, 27 vjeç, janë pjesë e një rrjeti që kultivonin dhe shpërndanin drogë.
Po në operacionin për goditje të lëndëve narkotike, Polici ka vënë në pranga shtetasit A. R, 38 vjeç dhe F. K, 37 vjeçe, pasi në Pezë-Helmes, në një ambient të hapur pa pronar, gjatë kontrollit fizik të tyre, gjetën dhe sekuestruan lëndë narkotike kokainë të ndarë në doza. Në vijim të veprimeve u proceduan dhe 5 shtetas për veprën penale “Moskallëzimi krimi”, të pranishëm në ambientin ku u konstatuan dy të arrestuarit.
Gjithashtu është arrestuar në flagrancë i shtetasit M. S(D), 33 vjeç, , i dënuar më parë, për veprat penale “Vrasja me paramendim” kryer në bashkëpunim, mbetur ne tentativë pasi ka ushtruar dhunë fizike dhe psikologjike ndaj bashkëshortes së tij. Ndërkohë një 61- vjeçar është arrestuar për shkak se ka ushtruar dhunë fizike dhe psikologjike ndaj gruas së tij. Ndërsa, u shpallën në kërkim shtetasit M. N, 52 vjeç dhe E. N, 20 vjeç(babë e bir), pasi kanë goditur kunatin e tyre.
Vetëm pak minuta më parë, nga specialistët për Hetimin e Krimit në Komisariatin e Policisë Nr.6 u bë arrestimi në flagrancë i 2 personave pasi kanë ushtruar dhunë në familje. Ndërkohë janë vënë në pranga shtetasit M. K, 43 vjeç, K. X, 27 vjeç dhe E. G, 23 vjeç, pasi u kapën duke drejtuar mjetet përkatëse në gjendje të dehur. Policia njofton se ka dërguar materialet e grumbulluara në prokurori për të vazhduar me hetime të mëtejshme.
