7 persona janë arrestuar ditën e sotme në Tiranë për vepra të ndryshme penale. Bëhet me dije se i janë vënë prangat një 41- vjeçari me iniciale
A. Ç, pasi në rrugën “Ali Demi”, ka goditur për shkak të detyrës punonjësin e Policisë Rrugore. Po në këtë zonë është arrestuar shtetasi
I. Sh, 46 vjeç, pasi për motive të dobëta, ka përndjekur duke e kanosur me një mjet prerës shtetasin një 21- vjeçar.
Ndër të tjera, mësohet se, është kapur në flagrancë shtetasi E. B, 33 vjeç, pasi ka kundërshtuar për shkak të detyrës, punonjësit e Policisë Bashkiake. Gjithashtu, është bërë e mundur arrestimi i një 21 -vjeçari me iniciale V,L, i cili ishte shpallur në kërkim, pasi Gjykata e Shkallës së Parë Tiranë, e ka dënuar me 2 muaj burg, për veprën penale “Përdorimi me keqdashje i thirrjeve telefonike“.
Ndërkohë në bashkëpunim me DVP Durrës, Policia Tiranë ka arrestuar shtetasit B. K, 31 vjeç dhe G. S, 28 vjeç, të shpallur në kërkim për veprën penale “Vjedhje me dhunë” e kryer në bashkëpunim. Është vënë në pranga edhe 18 vjeçar me iniciale E.SH, i cili ka aksidentuar rëndë një 58- vjeçare.
