Dhunë në familje në Itali, shqiptari masakron gruan, i kafshon veshin pasi e goditi disa herë me çekiç!

Një tjetër rast i dhunës në familje për shkak të xhelozisë është regjistruar në Itali, ku një 55-vjeçar shqiptar ka rënë në prangat e policisë.

Sipas mediave fqinje, burri ka pritur momentin kur vajza tyre e mitur është larguar dhe ka dhunuar në mënyrë barbare bashkëshorten me çekiç në kokë dhe fytyrë,

Mësohet se në përpjekje për të fshehur ulërimat e bashkëshortes, ai ka ngritur volumin e televizorit.

Në momentin që bashkëshortja tentoi të rezistonte, 55-vjeçari e kafshoi në vesh duke i shkëputur edhe një pjesë të tij.

Në fund ai ka tentuar edhe të mbysë, por gruaja e plagosur dhe thuajse pa ndjenja, arriti të shpëtonte dhe kërkoi ndihmë nga fqinjët.