Shtatë persona kanë rënë në prangat e policisë pasi akuzohen për vepra të ndryshme penale. Mësohet se, një 32-vjeçar është arrestuar pasi ka shkelur masën e sigurisë “Arrest në shtëpi” dhe është konstatuar nga shërbimet e Policisë, jashtë banesës.
Një 28-vjeçar ka rënë në pranga pasi nuk i është bindur urdhrit të punonjësve të Policisë dhe gjatë shoqërimit në Komisariat, ka ushtruar dhunë ndaj tyre, ndërsa një tjetër u arrestua pasi nëpërmjet mashtrimit i ka marrë mjetin një gruaje.
Gjithashtu, një 46-vjeçare u arrestua pasi i ka vjedhur kartën e bankës një personi dhe me anë të saj ka tërhequr një shumë parash në bankomat. Një 49-vjeçar përfundoi në pranga pasi ka ushtruar dhunë fizike dhe psikologjike ndaj bashkëshortes.
Dy të tjerë u arrestuar pasi thyen rregullat e qarkullimit rrugor. Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
Discussion about this post