Drejtori i Policisë së Shtetit Muhamet Rrumbullaku është shprehur në konferencën e sotme se nuk ka asnjë informacion për veprime të dhunshme në protestën e opozitës që do të mbahet më 6 dhjetor. Kjo ditë përkon edhe me zhvillimin e Samitit të liderëve të Bashkimit Europian në Tiranë.
Ai tha se janë marrë të gjitha masat dhe nuk është në interes të askujt që ditën e samitit të ketë dhunë.
Rrumbullaku: Së dyti për protestën policia garanton protestën jashtë këtij perimetri sigurie, qe quhet zone e kuqe. I kemi marrë gjithë masat kemi përgatitur gjithcka që lidhet me mbarëvajtjen.
Policia e Shtetit nuk ka asnjë lloj informacioni e asnjë lloj deklarate për veprime të dhunshme, nuk kemi pse të nxisim asgjë për ato që nuk shprehen e nuk deklarohen.
Nuk është në interes të askujt as policisë as samitit as vendit për të pasur atë ditë cështje të tilla që i referoheni ju.
Por ne nuk disponojmë s’kemi deklarata të tilla se nga i merr media e si i shfaq, nuk keni sipas gjykimit tim, asnjë lloj për të adresuar pyetje që nuk janë shfaqur në publik dhe opinion.
Discussion about this post