Rodi B., shoferi i kazinosë ku punonte Joy, keniania që u gjet e dhunuar në mënyrë makabre në Tiranë, ka treguar momentet e fundit të kontaktet të tij me të renë.
Emisioni ‘Në shënjestër” ka zbardhur dëshminë e Rodit, i cili thotë se e reja e kishte bërë ‘bllok’ në çdo rrjet social.
Ai rezulton se ka qenë i pranishëm si përkthyes i Emilit, gjatë kallëzimit që kjo e fundit bëri mbrëmjen e 13 gushtit në komisariatin nr 1, për zhdukjen e shoqes së saj.
“Unë kam rreth 3 muaj që e njoh Joyce Aoko tek Casino te ‘Sheraton’ në Tiranë. Kam patur lidhje intime me të. Më datë 8 Gusht 2022 rreth orës 14.00 kam shkuar tek shtëpia ku jetonte në rrugën e Elbasanit tek rezidenca Flouers. Pasi qëndrova disa orë me të kam vendosur që të mos e vazhdoja më këtë lidhje me miratimin edhe të saj.
Joyce më ka bërë bllok dhe që nga ajo ditë nuk kam pasur më asnjë kontakt me të. Më datë 13 gusht 2022, rreth orës 18.43, jam vënë në dijeni nga shoqja e saj Emili se Joyce nuk po gjendej dhe më ka pyetur mos ishte me mua. Unë i thashë që ajo më kishte bërë bllok dhe që nuk kam patur më kontakt me të. Po nga Emili kam mësuar se ajo është gjetur pa ndjenja tek rezidenca Floëers,”- tha Rodi B.
Joy Aoko u gjet e dhunuar në orët e para të mëngjesit të 14 gushtit. Mikesha e saj hapi dritaren dhe poshtë hostelit ku jetonin pa një vajzë gjysmë të zhveshur e të shtrirë. Ajo zbriti menjëherë poshtë dhe zbuloi se bëhej fjalë për shoqen e saj dhe e dërgoi në spital. Joy ishte në koma dhe vetëm pak ditë më parë ka bërë reagimet e para.
Policia deri më tani ka shpërndarë një ‘njoftim të thatë’ përmes të cilit deklaron se ngjarja është regjistruar si ‘plagosje e rëndë me dashje’.
Autor e të dyshuar, nuk ka ende! Një prej tyre dyshohet të jetë shoferi i kazinosë ku punonte Joy, me të cilin e reja dyshohet të ketë pasur lidhje intime.
Discussion about this post