Dhunohen punonjësit e policisë në Tiranë, arrestohet njëri nga autorët

Një person ka rënë në prangat e policisë së Tiranës, ndërsa është shpallur në kërkim shoku i tij pasi kanë dhunuar punonjësit e policisë.

Sipas njoftimit, është arrestuar Xh. M., 37 vjeç dhe shpallur në kërkim F. (Xh). L., pasi në rrugën “Budi”, në bashkëpunim me njëri-tjetrin, kanë kundërshtuar punonjësit e policisë për ushtrimin e kontrollit fizik, duke ushtruar dhunë ndaj tyre.

Mësohet se, policia po punon për arrestimin e njërit prej autorëve, ndërsa personi tjetër është arrestuar dhe pritet t’i komunikohet masa e sigurisë.