Dhunohet 14-vjeçari në veri të Kosovës, ministri flet për banda

Një 14-vjeçar është sulmuar sot në veri, në Lagjen “Kroi i Vitakut” në veri të Mitrovicës.

Këtë e ka me dije ministri i Brendshëm, Xhelal Sveçla. Në një deklaratë, Sveçla tha se ai ka marrë ndihmë mjekësore si rrjedhojë e plagëve. Ai ka kërkuar që autorët të dërgohen para drejtësisë.

“Rreth orës 14:00. Një 14 vjeçar, nga Kroi i Vitakut është sulmuar nga grupet kriminale. Ai ka lëndime trupore dhe është dërguar për tretman mjekësor.

Kam një porosi për kriminelët që do të shfrytëzojmë të gjitha kapacitet e policisë që ata ta identifikohen dhe të sillen para drejtësisë,”- tha Sveçla.