Një ngjarje e rëndë është shënuar këtë pasdite në Fier. Avokati Ergys Selmani është dhunuar në zyrën e tij nga Daniel Shkrela. Selmani është dhunuar me sende të forta nga një person.
Dyshohet se personi që ka dhunuar avokatin ka qenë në proces divorci. Ai tashmë është shpallur në kërkim. Selmani ishte avokati i palës paditëse në procesin e divorcit. Mësohet se përpara goditjes me sende të forta, në zyrën e avokatit ka pasur debat të ashpër.
“Rreth orës 15:40, në lagjen “29 Nëntori”, Fier, shtetasi D. Sh., 34 vjeç, banues në Fier, dyshohet se për motive të dobëta, ka goditur me sende të forta në zyrën e tij, shtetasin E. S., 50 vjeç, me detyrë avokat.
Eshtë shpallur në kërkim shtetasi D. Sh dhe po punohet për kapjen e tij.
Grupi hetimor po punon për zbardhjen e plotë të rrethanave të ngjarjes”, njofton policia.
Discussion about this post