Është shënuar një incident në Qendrën e Votimit 1302-1, KZAZ Nr. 20 në Fushë-Krujë. Mësohet se Ilir Hyka, komisioneri i Opozitës në Fushë Krujë është dhunuar dhe është nxjerrë nga qendra e votimit.
Për shkak të situatës së tensionuar për momentin votimi është pezulluar në këtë qendër votimi. Nuk dihet ende se çfarë ka ndodhur konkretisht në këtë qendër votimi dhe përse ka ndodhur përplasja. Pritet që të zbardhen detaje të tjera në minutat në vijim.
“Rreth orës 10:10, Komisioni i Qendrës së Votimit 1302-1, KZAZ Nr. 20, Fushë Krujë, me vendimin numër 1, ka kërkuar ndihmë nga Policia e Shtetit, pasi në këtë qendër votimi një shtetas (votues) ishte konfliktuar me një anëtar të Komisionit.
Shërbimet e Policisë, menjëherë pasi kanë marrë njoftim, kanë shkuar në Qendrën e Votimit 1302-1, ku ka rezultuar se shtetasi E. K., i cili kishte shkuar për të votuar në këtë Qendër, kishte debatuar me një anëtar të Komisionit të Qendrës së Votimit, shtetasin I. H., dhe më pas e kishte goditur atë me grusht, për radhën e votimit.
Shtetasi E. K. është shpallur në kërkim dhe po vijojnë kontrollet për kapjen e tij“, njofton policia.
Discussion about this post