Një ngjarje e rëndë ka ndodhur në Patos. Punonjësi i bashkisë, Bato Dalipaj është dhunuar nga përgjegjësi i ndërmarrjes Petrit Pëllumbi, pasi ky i fundit i ka kërkuar në nënshkruaj një formular me vota të sigurta për kryetaren socialiste të bashkisë.
Për ‘Syri Tv’, Dalipaj deklaroi se është mbështetës i kandadates Sofije Alushaj dhe se përgjegjësi i bashkisë Petrit Pëllumbi i ka kërkuar të shkruaj 10 votues të sigurtë.
Në momentin që punonjësi nuk ka pranuar të nënshkruaj formularin, atëherë Petrit Pëllumbi e ka goditur disa herë me grushte, duke i shkaktuar dëmtime të rënda në kokë dhe në fytyrë.
“Punoj 4 orarësh në komunale prej 10 muajsh. Petrit Pëllumbi në zyrë përgjegjës më kërkoi të shkruaja pjesëtarët e familjes në një formular. Unë nuk e firmosa pasi nuk jam 8 orarësh në punë.
Erdhi nga pas, më kapi nga supi dhe më goditi me 3 a 4 grushte dhe i gjakosur rashë përtokë. Më çoi në spital drejtori i ndërmarrjes Artjoli. S’bëra denoncim i thashë rashë, gabimi im. Shkova në shtëpi, tani u enjta dhe vendosa të bëj denoncim në polici”.
Discussion about this post