Një ngjarje e rëndë ka ndodhur në Kukës, ku sipas mediave një efektiv i policisë së qarkullimit është dhunuar fizikisht nga disa persona. Sipas informacionit të disponuar, ngjarja dyshohet të ketë ndodhur si pasojë e një ndalimi që polici kishte kryer disa ditë më parë ndaj disa individëve.
Të dielën, ata janë paraqitur pranë banesës së efektivit dhe, duke e ditur se ai ishte në shërbim të detyrës, e kanë sulmuar me dhunë. Si pasojë e agresionit, polici ka marrë plagë të shumta dhe ka kërkuar ndihmë mjekësore. Ai është transportuar në spital, ku po merr trajtim.
Policia e Kukësit ka nisur një hetim të thelluar për të zbuluar identitetin e autorëve dhe për të zbardhur rrethanat e ngjarjes.
Discussion about this post