Një ngjarje e rëndë ka ndodhur në qytetin e Sarandës, ku pas një konfliki me disa persona shefi i krimeve të Sarandës, Mateo Bakalli është dhunuar fizikisht.
Si pasojë e kësaj ai ka marrë dëmtime në trup dhe fytyrë. Bëhet me dije se ai është paraqitur në spital këtë mëngjes, me hematoma në sy e lëndime të tjera. Pasi ka marrë mjekimin, ka lënë ambientet e spitalit.
Sipas informacioneve paraprake, Bakalli është konfliktuar fizikisht me disa persona ende të paidentifikuar.
Policia ka nisur hetimet mbi rastin dhe po heton më shumë mbi shkaqet dhe rrethanat e këtij konflikti të dhunshëm.
Discussion about this post