Qyteti i Fierit është zgjuar i terrorizuar nga një ngjarje e rëndë ditën e sotme, pasi qytetari Sajmir Mersini ka dhunuar barbarisht gruan e tij, Rovena Mersini. Ata kanë 3 vajza të mitura dhe jetojnë në gjendje të shumë të keqe ekonomike, çka duket se pamundësia financiare është bërë shkak për sherret e shpeshta mes tyre. Gruaja është në gjendje të rënduar shëndetësore, por nuk ka pranuar ta denoncojë 38-vjeçarin, e frikësuar ajo ka thënë se vetëm një pëllëmbë i gjuajti. Ndërsa shenjat e dhunës në trup tregojnë krejt të kundërtën. Autori ka thënë në polici se, në nerva e sipër e ka goditur me një ristelë, gjithsesi policia po i merr të dy në pyetje për të zbardhur më shumë detaje rreth ngjarjes.
Nga ana tjetër janë banorët ata që tregojnë se Sajmiri është i dhunshëm, i alkoolizuar dhe madje vuan nga probleme shëndetësore. Një prej banorëve tha se një natë më parë Sajmiri kishte marrë lekë borxhe te ai për të pirë. Më tutje ai tregoi se Sajmiri gjithmonë ka qenë agresivë dhe dhunonte vazhdimisht gruan dhe 3 vajzat. “Ai pinte shumë, kërkonte borxhe, me ne piu para se të ikte në shtëpi. Jetojnë shumë keq. Ai në një tre muaj këtë avaz kishte ai pinte dhe dhunonte. Ai ishte shumë agresiv edhe me ne për diçka të vogël të nxehej”, tha një banor.
Një tjetër banorë u shpreh se Sajmiri merr trajtim mjekësor për probleme mendore, ndërsa për Rovenën tha se është një grua e urtë dhe e ka duruar gjatë gjithë kohës sjelljen e bashkëshortit. “Ai burri është pak si budalla, edhe pi. Gruaja është shembullore, shumë punëtore dhe e pastër Katër fëmijë kishin. Ne i dëgjuam të bërtiturat, pastaj dëgjuam ambulancën dhe policinë që erdhi e mori atë”, tha ai.
Ndërkohë të gjithë banorët shprehen se shkak për dhunën mes tyre bëhet gjendja e keqe ekonomike në të cilën ata ndodhen. Madje një banore u shpreh se jetojnë më keq se në kohën e neverit, duke mbledhur kanoçe. Gjithsesi të gjithë ata e dënojnë dhunën e Sajmirit ndaj Rovenës, duke thënë se faj kanë dhe autoritet që nuk merren me këto raste specifike. E.H/ gijotina.com/
Discussion about this post